“Do të jenë dy miqësore, që ne do të luajmë në këto data të lira të FIFAs. E para shumë e veçantë, do të jetë ndeshja kundër Kosovës, që ka brenda emocione, festë, vëllazëri. E dyta, kundër Gjeorgjisë e cila do të na shërbejë për të parë nga afër gjendjen e grupit”. Me këto fjalë, trajneri i Shqipërisë Xhani De Biazi, ka nisur konferencën për shtyp sot paradite në orën 11.00 në ambientet e Federatës Shqiptare të Futbollit. Përpara mediave të shumta, të interesuara për ekipin kombëtar dhe dy ndeshjet e tij miqësore, trajneri i kombëtares së Shqipërisë tregoi mjaft detaje dhe çfarë pret ai nga këto dy miqësore. Në lidhje me pyetjen, se a do të ketë prurje të tjera në skuadër deri në finalet e Euro 2016, trajneri De Biazi u përgjigj: “Unë do të bazohem tek ata 33 futbollistë, të cilët na çuan deri në finale. Sigurisht, nqs dikush gjatë këtyre muajve do të shënojë në çdo javë dhe do të na bindë patjetër që do të hyjë në planet tona”. Më pas, trajneri foli edhe për planet e vitit të ardhshëm. “Do të zhvillojmë një ose dy miqësore, në datat e e lira të muajit mars, për të parë më nga afër gjendjen e futbollistëve”, deklaroi ai.

Pasta jai deklaroi edhe listën e futbollistëve të thirrur për këto ndeshje, ku bie në sy grumbullimi për herë të parë i Frederik Veselit dhe i Rei Manaj. Për këto dy ndeshje trajneri i Shqipërisë ka thirrur 25 futbollistë. Ja cilët janë ata: